धरान, लागुऔषध सहित प्रहरीले धरानबाट चार जनालाई प्रहरीले पक्राउ गरेको छ।
धरानको अस्थाई प्रहरी पोष्ट बरगाछी र तीनकुनेबाट खटिएको प्रहरी टोलीले मंगलबार दिउँसो धरान उपमहानगर पालिकाका १५ का हर्कबहादुर तामाङको घरबाट लागुऔषध फेला पारेको हो।
लागुऔषध कारोबार भईरहेको विशेष सुचनाको आधारमा तामाङको घरको कोठा खानतलासी गर्दा लागुऔषध ट्रामाटोल र स्पासपेन गरी जम्मा ४ हजार २ सय ५० क्याप्सुल फेला पारेको हो। प्रहरीले उनको ३१ बर्षीया छोरी काजल (लिम्बु) र धरान ९ का २२ वर्षीया एलेन राईलाई नियन्त्रणमा लिएको छ।
यसैगरी इलाका प्रहरी कार्यालय धरानले लागुऔषध सहित धनकुटा साँगुरीगढी गाउँपालिका ७ का २५ वर्षीया राजकुमार राईलाई पक्राउ गरेको छ। उनको साथबाट ट्रामाटोल र स्पासपेन ६ सय क्याप्सुल फेला पारेको हो। पक्राउ परेको उनीहरु सबैको थप अनुसन्धान भईरहेको इलाका प्रहरी कार्यालय धरानले जानकारी गराएको छ।
