इटहरी, नेपाल जेसीजको ५१औं राष्ट्रिय महाधिवेशन आजबाट इटहरीमा सुरु भएको छ।
इटहरी जेसीजको आयोजनामा भएको उक्त राष्ट्रिय महाधिवेशनको उदघाटन प्रधानमन्त्री केपी शर्मा ओलिले गरेका छन्।
आज (पुष ६ गते) नेपाल जेसीजको अध्यक्ष रबिन पोख्रेलको सभापतित्वमा उदघाटन भएको महाधिवेशन ८ गते सम्म संचालन हुनेछ।
इटहरीस्थीत जनता माध्यमिक विद्यालयको प्राङ्गणमा आयोजना भएको महाधिवेशनमा देशभरिका एक सय ७८ जेसीजका शाखाहरुबाट पदाधिकारी तथा सदस्यहरूको उपस्थित रहेको छ।
ती उपस्थित देश भरिका शाखाका मताधिकार प्राप्त पदाधिकारी तथा सदस्हरुले नेपाल जेसीजको आगामी वर्ष सन् २०२५ को लागि नयाँ अध्यक्ष, कार्यकारिणी उपाध्यक्ष तथा उपाध्यक्ष चयन गरि महाधिवेशन सम्पन्न गर्नेछन्।
