धरान, १२४औं धरान स्थापना दिवस “धरान उत्सव–२०८१”(धरान डे) आज मनाईएको छ।
धरान १६ स्थीत रंगशालामा आयोजित धरान उत्सव समारोह धरान उपमहानगर पालिकाका प्रमुख हर्कराज राई (हर्क साम्पाङ)को सभापतित्वमा प्रमुख अतिथी रहेका धरानको ७८ वर्षिय जेष्ठ श्रमदाता काजीमान गुरुङले उदघाटन गरेका छन्।
“शिक्षा, स्वास्थ्य, पर्यटन तथा व्यापारिक पूर्वाधार बहुसाँस्कृतिक आवासीय समृद्ध शहर” नाराको साथ साँस्कृतिकको पहिरनमा साँस्कृतिक झाँकीसहित धरानका विभिन्न जातीय संघसंस्था, विभिन्न विद्यालय, सामाजिक संघसंस्था, कलाकर्मी, जनप्रतिनिधिलगायत व्यानर सहित रयाली मार्फत धरान बजार परिक्रमा गरि कार्यक्रम स्थल पुगेपछि समारोहको उदघाटन भएको हो।
यसैगरी उद्घाटन समारोहमा विभिन्न पालिकाका प्रमुखहरु, धरानको राजनीतिक दलका नेता, सामाजिक संस्थाका अध्यक्ष, जनप्रतिनिधीहरुले उत्सवको अवसरमा कार्यक्रममा शुभकामना व्यक्त गरे।
धरान उपमहानगरपालिकाले प्रत्येक वर्ष पौष २० गते धरान स्थापना दिवसका अवसरमा धरान उत्सव विविध कार्यक्रमको साथ मनाउँदै आएको छ।
यसपाली पनि पौष २० गतेदेखि २४ गतेसम्म उत्सव विभिन्न कार्यक्रमका साथ आयोजना भएको छ।
उत्सवमा मनोरञ्जनका लागि खेलतमासा, खाद्य, स्थानीय उत्पादन, शैक्षिक, कला साहित्यलगायको प्रदर्शन तथा बिक्रीका स्टलहरु साथै हरेक साँझ साँगितिक कार्यक्रम संचालन गरिएको छ।
यसैगरी भोलि पौष २१ अर्थात उत्सवको दोस्रो दिन साइक्लिङ र साहित्य सम्मान कार्यक्रम गरिने छ। भने पौष २२ गते इस्टर्न सिङ्गीङ सुपर स्टार सिजन–१ र लोक दोहोरीसहितको जुहारी कार्यक्रम हुनेछ।
यस्तै पौष २३ गते वाकाथुन, रस्सी तान र छेलो हान्ने कार्यक्रम र अन्तिम दिन पौष २४ गते श्रमदाता रयाली, साँस्कृतिक झाँकी साथै औपचारिक समापन कार्यक्रम हुनेछ।
