धरान, महिलाहरुको पाठेघरको मुखको क्यान्सर विरुद्धको खोप लगाउने अभियान सरकारले सुरु गर्दैछ।
महिलाहरुका लागि अत्ति नै जोखिमको रुपमा रहेको पाठेघरको मुखको क्यान्सरबाट बचाउन एच.पी.भी खोप यहि माघ २३ गते देखि फागुन ६ गतेगरी १५ दिनसम्म सरकारले निःशुल्क खोप लागाउने अभियान संचालन गर्दैछ।
सरकारले नेपालमा स्वास्थ्य मन्त्रालय र विश्व स्वास्थ्य संगठनको सहकार्यमा महिलाहरुको पाठेघरको मुखको क्यान्सरबाट बचाउने अभियान अन्तरगत उक्त खोप लगाउने निःशुल्क अभियान सुरु गर्न लागेको हो।
नेपालमा प्रत्येक वर्ष पाठेघरको मुखको क्यान्सरबाट दुई हजार जनाको मृत्यु हुने गरेको छ। एच.पी.भी.खोप पाठेघरको मुखको क्यान्सरबाट बचाउने तथा एच.पी.भी.भाईरस नासक खोप भएकाले उक्त खोप प्रदान गर्न लागिएको हो।
उक्त खोप जति कम उमेरमा लगायो त्यती राम्रो हुने डाक्टरले बताउँछन्। नौ वर्षको उमेर देखि १४ वर्षको उमेरमा सबैभन्दा प्रभावकारी हुन्छ। सो भन्दा बढि उमेरको महिलाहरुले पनि डाक्टरको सल्लाह लिएर लगाउन सक्दछन्।
हाल सरकारले यो खोप अभियान अन्तरगत सरकारी तथा निजी विद्यालयमा कक्षा ६ देखि १० मा अध्ययनरत छात्रालाई निशुल्क उपलब्ध गराउँदैछ भने विद्यालय नजाने भए १० देखि १४ वर्ष उमेर समुहका किशोरीहरुलाई दिईदैछ।
खोप सातै वडा प्रदेशको निजी तथा सरकारी विद्यालय अथवा नजिकको अस्पतालमा लगाउन सकिन्छ। खोप एक पटक लगाउदा हुन्छ ।
यो खोप व्यक्तिगत रुपमा पनि महिलाहरुले डाक्टरको सल्लाहमा लगाउन सक्दछन्। यो खोप अभियानको दायरामा नपर्नेहरु व्यक्तिगत रुपमा निजी अस्पतालमा तीन हजार रुपैया देखि १० हजार रुपैयामा तिरेर लगाउन सकिन्छ।
हाल चीनमा बनेको सिलिकोन ब्रान्डको खोप दिईने तयारी रहेको छ। उक्त खोप ९१ प्रतिशत प्रभावकारी छ यौन जीवनमा सक्रिय हुनु गर्नु पूर्व यो खोप लगाउन सके शतप्रतिशत प्रभावकारी हुने देखिन्छ।
