झापा, नेकपा माओवादी केन्द्रको हुलाकी राजमार्ग केन्द्रीत अभियान आगामी फागुन ३ गतेदेखि झापाको कचनकवल गाउँपालिकाबाट शुरु हुने भएको छ।
पार्टीको केन्द्रीय कार्यक्रम अनुरुप देशव्यापी रुपमा कचनकवलबाट छ महिने अभियान शुरु हुन लागेको हो। हुलाकी राजमार्गदेखि शुरु हुने अभियान महाकाली पुगेर पुनः मदन भण्डारी राजमार्ग केन्द्रित भएर सोलुखुम्बुको सगरमाथाको फेदीमा समापन हुनेछ।
हुलाकी राजमार्ग केन्द्रीत अभियानका लागि आज माओवादी केन्द्र झापाको पाँचौं पूर्ण बैठकले कार्यविभाजन समेत गरेको छ। पार्टी–कार्यकर्ता परिचालनदेखि गाउँ–नगर अधिवेशन सम्पन्न गर्ने लगायतका कार्य भइरहेको पार्टीका जिल्ला सचिव मोहन टुडूले जानकारी दिएका छन्।
बैठकका प्रमुख अतिथि पार्टीका उपमहासचिव हरिबोल गजुरेलले पार्टीलाई मजबुदर बनाउन नेता–कार्यकता रुपान्तरण हुनुपर्ने जोड दिए। पार्टी भित्रका अन्तरविरोध हटाउनु पर्ने बताउदै उनले सुधारात्मक अन्तरविरोध आवश्यक रहेको औंलाए।
“पार्टीलाई मजबुद बनाउन सबै नेता–कार्यकताहरु तल्लो तहमा उत्रिएर वैचारिक रुपमा नागरिकलाई संगठित गर्नुपर्छ”, प्रदेश नं। १ का इञ्चार्ज समेत रहेका उनले भने, “अब युवाहरु जाग्नु पनि जाग्नुपर्छ ।”
पार्टी कमजोर हुनुमा नेता कमजोर नभई नीतिगत त्रुटीले गर्दा पार्टी कमजोर भएको उनले उल्लेख गरे। “बिरुवा आधुनिक भए पनि परम्परागत रुपमा मजलज गर्दा प्रतिफल पाउन सकिँदैन”, उनले भने, “हाम्रो विचारमा सुधार गर्न नसक्दा पार्टी कमजोर भयो, त्यसलाई सुधार्नु पर्छ ।”
बैठकमा पार्टीकी केन्द्रीय सदस्य धर्मशीला चापागाईंले पार्टीले पूर्वलाई केन्द्रले ध्यान दिनुपर्ने बताए। पार्टीका केन्द्रीय सदस्य इन्द्र आङ्बोले पछिल्लो माओवादी पार्टीप्रति जनाधार बढेको बताए। उनले उत्पादन र रोजगारीको क्षेत्रमा पार्टीले काम गर्नुपर्ने उनको भनाइ छ।
बैठकमा औचित्यमाथि प्रकाश पार्दै पार्टीका झापा इञ्चार्ज झलकसिंह दर्लामीले पार्टीलाई मजबुद बनाउन पार्टीले विशेष अभियान सञ्चालन गर्न लागेको जानकारी दिए। अभियानलाई सफल बनाउन पार्टीलाई एकीकृत र केन्द्रीकृत बनाउने कार्ययोजना बनाइएको उहाँले बताए।
पार्टीका जिल्ला समन्व्य समिति झापाका अध्यक्ष राजु आचार्य ९अग्नि० को अध्यक्षमा भएको कार्यक्रममा स्वागत पार्टीका कचनकवल गाउँपालिका अध्यक्ष सुकराज लिम्बूले गरेका थिए भने सञ्चालन जिल्ला सचिव मोहन टुडूले गरे।
बैठकमा पार्टीका केन्द्रीय लक्ष्मीदेवी न्यौपाने, केन्द्रीय सदस्य रञ्जित तामाङ, केन्द्रीय सदस्य हरिकुमार राना, केन्द्रीय सदस्य ज्योतिसिंह दर्लामी, केन्द्रीय सदस्य भजेन्द्र चापागाईं, केन्द्रीय सदस्य लोकबन्धु कन्दङ्वा, केन्द्रीय अनुशासन आयोग सदस्य पूर्णसिंह राजवंशी, प्रदेश उपाध्यक्ष मणिकुमार साम्पाङ, प्रदेश कोषाध्यक्ष रेवतराज पुरी लगायतको आतिथ्य रहेको थियो।
