धरान, धरानमा जारी बिजनेस एक्स्पो - २०८१ को आज (सोमबार) बेलुकाको साँगितिक कार्यक्रममा युवापुस्ताका चर्चित गायक जोन चाम्लिङ एण्ड दि लोकल्सको प्रस्तुति हुने भएकोे छ।
जोन एण्ड दि लोकल्सका ५ जना आज साँझ ७ बजे एक्स्पोको मञ्च उक्लिनेछन्। धरानका यी युवा गायकका संसारभरी मरिहत्ते गर्ने लाखौँ फ्यानहरु छन्।
धराने यी युवा गायक जोनको धरानमा हुने हरेक कन्सर्टमा दिनदुइगुना रात चौगुना दर्शकहरु बढिरहेको र जोनलाई सुनेर हेरेर धरानेहरु कहिल्यै नअघाउने सिल्भर इन्टरटेनमेन्टका निर्देशक सौरभ श्रेष्ठले बताए।
श्रेष्ठका अनुसार आफुले धरानमा धेरै सांगीतिक कार्यक्रमहरु गरिरहेको भएपनि हरेक पटक जोनको माग भइरहेको उनले बताए। श्रेष्ठले भने जोनका हरेक गीतहरुले युटुवमा लाखौँ भ्युज पाइरहेको बताए।
जोनकोे “हावा जस्तै, फर्कन्न होला, निहिता, साधना, मुटुदेखि” जस्ता गीतहरुले युटुवमा मिलियन भ्युज पाएका लोकप्रिय गीतहरु रहेकाछन्।
धरानको व्यापार व्यवसायलाई चलायमान बनाउन र स्थानीय व्यापारिक उत्पादनलाई प्रवर्धन गर्दै धरानको आन्तरिक पर्यटनलाई वृद्धि गर्ने उदेश्य सहित विजिनेश एक्स्पो धरान २०८१ प्रारम्भ गरिएको नेपाल उद्योग तथा व्यवसायी महासंघ धरानका अध्यक्ष शिवराज श्रेष्ठले जानकारी गराएका छन्।
फागुन १० गतेसम्म सञ्चालन हुने एक्स्पोमा प्रत्येक दिन चर्चित कलाकारहरु प्रस्तुत गरिएको पनि श्रेष्ठले जानकारी गराए।
