धरान, खेलाडी, कलाकारहरुलाई प्रोत्साहन, जेष्ठ नागरिकहरुलाई सम्मान गर्ने उदेश्यका साथ चौकीबारी साँझ–२०८१ आयोजना हुने भएको छ।
चौकीबारी युवा समाज धरानको आयोजनामा यहि फागुन १४ गते शिवरात्रीको अवसरमा धरान–१९ स्थीत जिमी चोकमा अपरान्ह ३ बजेदेखि कार्यक्रम गर्न लागिएको आयोजकले आज पत्रकार सम्मेलन गरि जानकारी दिएका छन्।
खेडाली कलाकारहरुलाई प्रोत्साहन, जेष्ठ नागरिकहरुलाई सम्मान भन्ने उदेश्यका साथ यहि फागुन १४ गते शिवरात्रीको अवसरमा चौकीबारी साँझ २०८१ को आयोजना गर्न लागिएको आज पत्रकार सम्मेलन गरि आयोजकले जनाएको छ।
कार्यक्रममा धरान–१९ बाट स्वर्णपदक बिजेता खेलाडीहरुलाई नगद सहित सम्मान, ८५ वर्ष उमेर माथिका वडा जेष्ठ नागरिकहरुलाई सम्मान गरिने, दुव्र्यसनबाट पीडीत विपन्न ३ जना युवाहरुलाई सुधारकेन्द्रमा लाग्ने ६ महिनाको शुल्क प्रदान गर्ने र ३० घर परिवारलाई निशुल्क स्वास्थ्य विमा घोषणा गरिने अध्यक्ष उत्तम तामाङले बताएका छन्।
यस्तै कार्यक्रममा नेपालकै चर्चित पप स्टार धिरज राई र सोलो सिंगर धिरेन्द्र मलाकारलाई प्रस्तुत गरिने छ। स्थानीय व्याण्डहरुमा उर्जा व्याण्ड, पुरानो कुपी, बदमास, द एलाइजको गीत, हेटौंडाका रयापर एमएसडी, स्थानीय रयापर वाजालुरे, गेन्जी फुजियोलको रयाप प्रस्तुती हुने भएको छ। भने युनाईटेड मल्टि डान्स सेन्टरका कलाकारहरुसँगै वडाका कलाकार रिङछिङ गुरुङ र सरु राईको नृत्य प्रस्तुती रहने भएको छ।
करिब १६ लाख ८० हजार खर्च अनुमान गरिएको कार्यक्रममा धरान–१९ का हङकङबासीहरुको सहयोग रहनेछ। त्यस्तै कोरिया, बेलायत, र अष्ट्रेलियामा रहेका धरानबासी तथा अन्य धरानबासीहरुको समेत सहयोग रहने छ।
धरान उपमहानगरपालिका, धरान १९ नम्बर वडा कार्यालय, भिजन फिटनेस धरान, क्रन्च फिटनेश धरान ८, हरियाली सामुदायिक बन, चौकीबारी महिला समुह धरान १९ लगायतको साथ सहयोग रहने समेत अध्यक्ष तामाङले जानकारी दिएका छन्।
धरान–१९ मा रहेका युवाहरुको साझा संस्थाका रुपमा बि.सं.२०८० मा चौकीबारी युवा समाज धरानको स्थापना भएको र युवाहरुलाई दुर्वसनबाट जोगाउँदै सत्कर्ममा लाग्न उत्प्रेरित गर्ने तथा विपन्नहरुलाई सहयोग गर्ने उदेश्य समाजका रहेको सचिव सुनिल लिम्बुले बताए।
