धरान, लिवर्टी रेसिडियन्टल स्कुल धरान–११ ले विविध कार्यक्रम गरि १८औं अभिभावक दिवस मनाएको छ।
आज विद्यालयको प्रांगनमा आयोजित कार्यक्रममा कक्षा नर्सरी देखि कक्षा १० सम्ममा अध्ययनरत विद्यार्थीहरुले आफनो प्रतिभा प्रस्तुत गरेका छन्।
विधार्थीहरुले नृत्य, गायन, स्टेन्ड अप कमेडी, नाटकलगायतको प्रतिभा प्रस्तुत गरे। भने कार्यक्रममा अभिभावकहरुले समेत नृत्य प्रस्तुत गरेका थिए।
यसैगरी विद्यालयले विभिन्न क्षेत्रमा आवद्ध आफना पूर्व विद्यार्थीहरुलाई सम्मान गरेका छन्। सम्मानित हुनेहरुमा कृष्टिना राई, मौसमी कार्की, अमिसा मास्के, मेरीलुङ लिम्बु, सुमन लिम्बु, साबित्री झा, अन्जना लिम्बु, मोनिका प्रधान रहेका छन्।
उनीहरुलाई कार्यक्रमको प्रमुख अतिथी रहेका कोशी प्रदेश सभा सदस्य विजयकुमार राईद्वारा सम्मान गरिएको हो।
स्कुलका प्राचार्य भगत लिम्बुको सभापतित्वमा भएको कार्यक्रममा धरान–११ नंबर वडा अध्यक्ष लोकेन्द्र फागो, प्यावसन अध्यक्ष दिपक घिमिरे, समाजसेवी तथा नेकपा एमाले नेता राजमणि निरौला, हिबिसकस स्कुल धरानका निर्देशक गंगाराम कुलुङ्ग, देउराली चिल्ड्रेन स्कुल धरानका निर्देशक पृथ्वी राईलगायतको विशेष आतिथ्य रहेको थियो।
