धरान : विदेशमा अध्ययन गर्न जाने विद्यार्थीहरुलाई परामर्श दिने ग्रेश ईन्टरनेशनल प्रा.लि.ले धरानमा १९औँ शाखा खोलेको छ।
धरान-३ सदन रोडमा रहेको प्रा.लि.को शाखा उदघाटन आज (शुक्रवार) चर्चित क्रिकेटर दिपेन्द्र सिंह ऐरीले गरेका छन्।
क्रिकेटर ऐरी प्रा.लि.का ब्रान्ड एम्बेसडर रहेका छन्। विदेश अध्ययन गर्न जान इच्छुक विद्यार्थीलाई विगतको २० वर्ष देखि परामर्श दिदै आएका ग्रेश ईन्टरनेशनल प्रा.लि.को हालसम्म ४० भन्दा बढी देशहरूमा शाखा बिस्तार भइसकेको प्रा.लि.का अध्यक्ष विशाल राईले जानकारी दिएका छन्।
अस्ट्रेलिया, केन्या, पाकिस्तान, बङ्गलादेश, न्युजिल्यान्ड, दुबई, इन्डोनेशिया, भारतलगायतका देशमा प्रा.लि.को शाखाहरू रहि सेवा प्रवाह गरिरहेको अध्यक्ष राईले बताए।
उनको अनुसार प्रा.लि.को धरान शाखाबाट यहाँका विद्यार्थीहरूलाई विदेश अध्ययन गर्न जानका लागि आवश्यक परामर्श, सहजीकरण गर्दै भाषा कक्षा सञ्चालन गरिनेछ।
धरानको विद्यार्थीहरूलाई अस्ट्रेलिया, युके, क्यानडा, अमेरिका, न्युजिल्यान्ड, कोरिया, जापान, दुबईमा अध्ययनका लागि आवश्यक भाषा कक्षाको सुविधा प्रदान गर्ने उदेश्यले धरानमा शाखा स्थापना गरिएको ग्रेश ईन्टरनेशनल प्रा.लि.का सहसंस्थापक तथा निर्देशक एन्जाल पौडेलले बताए।
