धरान, मेरीगोल्ड स्कुल धरानले विभिन्न कार्यक्रम गरि वार्षिक उत्सव मनाएको छ।
धरान–३ स्थीत स्कुल प्रांगनमा आज(शुक्रबार) भएको कार्यक्रममा प्ले ग्रुप देखि पूर्व विद्याथीहरुले आफनो प्रतिभा प्रस्तुत गरेका छन्।
स्कुलकी प्रिन्सिपल रीता रन्जीतकारको सभापतित्व, प्यावसन सुनसरीका सहकोषाध्यक्ष राजकुमार लिम्बु र सदस्य हरिहर कोईराला द्वयको प्रमुख आतिथ्यमा भएको कार्यक्रममा विजयपुर स्कुल धरानका भाईस प्रिन्सिपल गंगाप्रसाद लिम्बु, मेरीगोल्ड स्कुलका पूर्व शिक्षिकहरु करुणा थापा, नर्वदा गुरुङ्गको आतिथ्य रहेको थियो।
राष्ट्रियता झल्काउने नृत्य देखि सुरु भएको उक्त कार्यक्रममा उक्त स्कुलका विभिन्न कक्षामा अध्ययनरत विद्यार्थीहरुले विभिन्न साँस्कृतिक, धार्मिक, फिल्मी नृत्यहरु प्रस्तुत गरे भने गीति नाटक, गीत, विभिन्न कलाकारहरुकोे चरित्र अभिनय प्रस्तुती गरेका थिए। भने स्कुलका पूर्व विद्यार्थीहरुले लाईभ व्याण्ड मार्फत गीत प्रस्तुत गरे।
कार्यक्रमको प्रमुख अतिथी राजकुमार लिम्बुले मेरीगोल्ड स्कुलले विद्यार्थीहरुको भविष्य निर्माणमा पुर्याएको योगदान साथै मेरीगोल्ड स्कुलका संस्थापक स्व.मदनप्रसाद श्रेष्ठले धरानका निजी विद्यार्थीहरुमा अभिभावकिय भुमिका निर्वाह गरि पुर्याएको योगदानको बारेमा बताए।
यसैगरी कार्यक्रममा उक्त स्कुलमा विगत २५ वर्ष देखि निरन्तर कार्यरत रहेर योगदान गरिरहेकी शिक्षिका रोमी श्रेष्ठले पुर्याएको योगदानको कदर गर्दै प्रिन्सिपल रीता रन्जीतकार, प्रमुख अतिथीद्वय राजकुमार लिम्बु र हरिहर कोइरालाले सम्मान गरे।
मेरीगोल्ड स्कुल बि.सं.२०३४ सालमा स्व. मदनप्रसाद श्रेष्ठद्वारा धरानमा स्थापना भएको हो।
