धरान, प्रतिबन्धित लागुऔषध सहित सुनसरी र मोरङबाट ५ जना प्रहरीद्वारा पक्राउ परेका छन्।
सोमबार सुनसरी धरानका २४ बर्षीय अफ्रोज सिद्धिकीलाई ट्रामाडोल १२० क्याप्सुल र १२० ट्याब्लेट सहित इलाका प्रहरी कार्यालय धरान सुनसरीले पक्राउ गरेको छ।
त्यसैगरी बिराटनगर-१७ बाट को. २९ प ६४२७ नम्बरको मोटरसाईकल चालक बेलबारी-११ का २९ बर्षीय आशिष राई र मोटरसाईकल पछाडी सवार २९ बर्षीय आशिष तामाङलाई प्रहरीले पक्राउ गरेको छ।
इलाका प्रहरी कार्यालय रानी र लागुऔषध नियन्त्रण ब्युरो बिराटनगरको प्रहरी टोलीले उनीहरूको साथबाट ६ ग्राम १२ मिलिग्राम ब्राउन सुगर सहित पक्राउ गरेको छ।
सोही दिन झापाको भद्रपुर नगरपालिका-५ मा चेकजाँचको क्रममा प्रहरीले ६ प ९९७७ नम्बरको मोटरसाईकल चालक माई नगरपालिका-५ ईलामका ३३ बर्षीय भुपेन्द्र लावती र मोटरसाईकल पछाडी सवार बिर्तामोड-५ का २३ बर्षीय राजिब चौधरीलाई पक्राउ गरेको छ।
मेचि बिट र लागुऔषध नियन्त्रण ब्युरो काँकरभिट्टाबाट खटिएको प्रहरी टोलीले ९ ग्राम १ मिलिग्राम ब्राउन सुगर सहित उनीहरूलाई नियन्त्रणमा लिएको हो।
प्रतिबन्धित लागुऔषध सहित पक्राउ परेका उनिहरुको थप अनुसन्धान भईरहेको छ प्रहरीले जानकारी गराएका छन्।
