धरान, धरानमा जारी २५ औं संस्करणको गोधुली अन्तर वडा स्तरिय रनिङ कप फुटबल प्रतियोगितामा १७ नं. वडा र १३ नं. वडा क्वाटर फाइनलमा प्रवेश गरेका छन्।
मंगलबार साँझ धरान रंगशालामा भएको पहिलो खेलमा ४ पटकको विजेता १७ नं. वडाले २० नं. वडालाई ३–० ले पराजित गर्दै क्वाटर फाइनलमा प्रवेश गरेको छ।
१७ नं. वडाका लागि कृष्ण राईले ब्याक्तिगत दुई गोल गरेका थिए भने पासाङ तामाङले एक गोल गरेका थिए। प्रतियोगितामा २० न वडासँग शुन्यका बिरुद्द ३ गोलको जित दर्ता गरेको १७ न वडाले १८ न वडासँग क्वाटर फाइनलका लागि भिडन्त पक्का गरेको हो।
खेल अवधिभर २० न वडाले गोल गर्ने केही अवसर सिर्जना गरेपनी फिनिसिङमा चुक्दा पहिलो खेलबाटै बाहिरिनु पर्यो। खेलको म्यान अफ द म्याच १७ नं. वडाका कृष्ण राई घोषित भए।
त्यस्तै मंगलबार नै भएको दोस्रो खेलमा ४ नं. वडालाई २–० गोलले पराजित गर्दै डिफेन्डिङ च्याम्पियन १३ नं. वडा प्रतियोगिताको क्वाटर फाइनलमा प्रवेश गरेको छ।
१३ नं. वडाको लागि सुशान्त राई खेलको ३४ औ मिनेटमा गोल गर्दै टिमलाई सुरुवाती अग्रता दिलाएका थिए। पहिलो हाफ १-० गोलले पछी परेको ४ न वडा खेलको दोस्रो हाफ फेरी गोल खाएको थियो।
खेलको ७३औं मिनेटमा सब्यिच्युट खेलाडिको रुपमा मैदान प्रबेश गरेका निकोलस राईले गोल गर्दै टिमका लागि अग्रता दोब्बर बनाएका थिए। पहिलो हाफको केही समय १३ न वडा माथि निक्कै दबाब बढाएको ४ न वडाले गोल गर्ने थुप्रै अवसर सिर्जना गरेपनी गोल गर्न चुक्दा प्रि-क्वाटरबाटै बाहिरिनु पर्यो।
४ नं वडाले पहिलो खेलमा १ न वडालाई ४ गोलले हराउदै सिधै बाइ पाएर प्रि-क्वाटर फाइनलमा प्रबेश गरेको १३ न वडासँग भेट पक्का गरेको थियो। खेलको म्यान अफ दि म्याच १३ न वडाका सुशान्त राई घोसित भएका थिए।
बुधबारको अन्तिम प्रि-क्वाटर फाइनल खेल ६ नं. वडा र वडा नं. १० बीच हुने आयोजकले जनाएको छ। चैत्र २१ गतेसम्म सञ्चालन हुने प्रतियोगितामा धरानका १८ वटा वडा सहभागी छन्।
प्रतियोगिताको विजेताले १ लाख ५० हजार र उप विजेताले ७५ हजार नगद पुरस्कार प्राप्त गर्नेछन् भने प्रतियोगिताको क्वाटर फाइलनमा पुगेको टिमले स्व. सुवास राई स्मृति सुपर ८ प्रतियोगितामा सहभागी हुने अवसर प्राप्त गर्ने आयोजक गोधुली क्लबका उपाध्यक्ष सतिस केसीले जानकारी दिए।
मनोज मेवाहाङ राईद्वारा फुटबलबाट सन्यास
धरान–१३ का खेलाडी मनोज मेवाहाङ राईले खेलाडीको रुपमा खेल जीवनबाट सन्यासको घोषणा गरेका छन्।
उनी सहभागी भए पश्चात १३ नं. वडाले २ पटक गोधुली कपको उपाधी जितेको थियो। यस पटक १५ मिनेट मैदानमा उत्रिएका राईले सन्यासको घोषणा गरेपछी १३ नं. वडा कार्यालय तथा १३ नं. वडाको धरान–१३ स्पोर्टिङ क्लबले उनलाई मैदानमै सम्मान गरेको थियो।
खेलाडी राईलाई सम्मान पत्र तथा दोसल्ला ओढाएर धरान–१३ का वडाध्यक्ष नेत्रप्रसाद काफ्लेले सम्मान गरेका थिए।