धरान, प्रतिवन्धित लागूऔषध ब्राउन र निषेधित औषधी सहित प्रहरीले पाँच जनालाई पक्राउ गरेको छ।
धरान-१७ का २२ बर्षीय पासाङ तामाङ र २४ बर्षीय सुमन राईलाई ट्रामाडोल ३९७ क्यापसुल र स्पास्पेन ७ ट्याव्लेट सहित धरान-१३ स्थित अस्थायी प्रहरीचौकी अमरहाटबाट खटिएको प्रहरी टोलीले चेकजाँचको क्रममा पक्राउ गरेको छ।
यसैगरी ब्राउन सुगर ५ ग्राम सहित धरान-१३ का ३५ बर्षीय राज कुमार राईलाई, मोरङ उर्लाबारी-२ का ३१ बर्षीय संदिप कटुवाललाई ३ ग्राम ब्राउन सुगर सहित र पथरी शनिश्चरे-१० का ३२ बर्षीय प्रेम बहादुर तामाङलाई १० ग्राम ३० मिलिग्राम ब्राउन सुगर सहित बुधबार प्रहरीले पक्राउ गरेको छ।
उनीहरुलाई विराटनगर महानगरपालिका-१५ स्थितमा लागूऔषध नियन्त्रण व्युरो विराटनगरबाट चेकजाँचमा खटिएको प्रहरी टोलीले पक्राउ गरेको जानकारी गराएको छ।
