धरान, १२४औं धरान स्थापना दिवस “धरान उत्सव–२०८१”(धरान डे) पाँच दिने कार्यक्रम पश्चात बुधबार सम्पन्न भएको छ।
हरेक पौष २० लाई धरान स्थापना दिवसको रुपमा धरानेहरुले धरान उत्सव मनाउदै आईरहेको छ। यसै अवसरमा यस वर्षकोे धरानको १२४औं जन्मोत्सवको पौष २० गते देखि २४ गते सम्म मनाईएको थियो।
धरान १६ स्थीत रंगशालामा पाँच दिन सम्म आयोजित धरान उत्सवमा विभिन्न कार्यक्रमहरुको आयोजना गरि मनाईएको हो।
साँस्कृतिकको पहिरनमा साँस्कृतिक झाँकीसहित धरानका विभिन्न जातीय संस्था, विभिन्न विद्यालय, संघसंस्था, कलाकारहरुले व्यानर सहित धरान बजार परिक्रममा गरि सुरु सुरुवात भएको उत्सवमा साहित्य, कला र खेलकुदलगायतको कार्यक्रमहरु भएका थिए।
“शिक्षा, स्वास्थ्य, पर्यटन तथा व्यापारिक पूर्वाधार बहुसाँस्कृतिक आवासीय समृद्ध शहर” नाराको साथ आयोजित उत्सवमा विभिन्न जातीय खानपान, विभिन्न उत्पादनका सामाग्रीको स्टल र खेलतमासाहरु राखिएको थियो।
भने कविता प्रतियोगिता, रस्सीतान, छेलो हान्ने खेलको प्रतियोगिता, लोकदोहोरी गीत संगीत प्रस्तुती सहित प्रत्येक साँझ धरानका कलाकारहरुको नृत्य तथा गीत संगीत प्रस्तुत गरिएको थियो।
