धरान, धरानमा जारी १५ दिने 'बिजनेस एक्स्पो - २०८१' को आज (बुधबार) बेलुकाको कार्यक्रममा स्त्री व्याण्ड ले प्रस्तुति गर्ने भएको छ।
धरानमै पहिलो पटक 'स्त्री व्याण्ड'को प्रस्तुति बिजनेस एक्स्पोको मन्चमा हुन लागेको हो।
नेपाल उद्योग तथा व्यवसायी महासंघ धरानको आयोजनामा धरान रंगशालामा माघ २६ गते देखि सुरु भएको एक्स्पोमा हाल सम्ममा चर्चित गायक राजेशपायल राई, सुगम पोख्रेल, मिलन नेवार, तृष्णा गुरुङले गीत प्रस्तुति र गरिमा डान्स सेन्टर धरानले नृत्य प्रस्तुति गरि सकेका छन्।
आगामी फागुन १० गते सम्म संचालन हुुने एक्स्पोमा हरेक बेलुका चर्चित गायकगायिकाहरुको प्रस्तुति हुने आयोजकले जानकारी दिएका छन्।
एक्स्पोमा विभिन्न किसिमका दैनिक उपभोग्य बस्तु, लत्ताकपडा, जुत्ताहरु सुपथ मुल्यमा बिक्रीका लागि राखिएको छ।
स्थानीय उद्योग तथा व्यवसायीहरुको उत्पादनको प्रवर्द्धन, प्रचारप्रसार, बजारीकरण गर्ने उदेश्यले आयोजित एक्स्पोमम स्थानीय खाद्य, गार्मेटलगायतको सामाग्रीहरुको बिक्रीको स्टल तथा सस्तो जुत्ता मेला समेत रहेको छ।
