धरान, होटल एशोसिएशन भेडेटारद्वारा आयोजित तीन दिने १२औं भेडेटार फुड फेस्टिबल बिहिबार सम्पन्न भएको छ।
भेडेटारको मुख्य चौकमा पौष १६ गते सुरु भई विविध कार्यक्रम गरि आज बिहिबार समापन भएको हो।
फेस्टिबलमा मौलिक, जातीय, परम्परागत स्थानिय खानपान तथा स्थानीय अर्गानिक खेतीबाट उत्पादित तरकारी तथा फलफूल, हस्तकला, घरेलु उत्पादनहरुको दुई दर्जन बढि स्टल मार्फत प्रवद्र्धन तथा प्रचारप्रसार गरिएको थियो।
तीन दिनसम्म चलेको फेस्टिबलमा आन्तरीक तथा भारतका विभिन्न स्थानबाट पर्यटकहरु आएर भेडेटार तथा आसपासका पर्यटकीय स्थलहरुको भ्रमण, स्टल अवलोकन गरि खानपानको स्वाद लिदै, स्थानीय उत्पादनहरु खरिद समेत गरेका छन्।
यसैगरी फेस्टिबलमा राई जातीकोे साकेला, लिम्बुको केलाङ, मगरको हुर्रा र याम्फूजातिको साँस्कृतिक झाँकी प्रदर्शनी साथै पर्यटकहरुको लागि साँस्कृतिक तथा साँगितिक मनोरन्जनको लागि पाथिभरा क्लब भेडेटार, राम मा.वि., ग्रामीण जनता मा.वि. तथा गरिमा डान्स सेन्टर धरानको विभिन्न जातीय साँस्कृतिक तथा मोर्डन नृत्य प्रस्तुती गरिएको थियो।
भने साँगितिक मनोरन्जन तर्फ चर्चित गायिका सुनिता थेगिम, भोईस अफ नेपालका प्रतियोगि गायक जेनिस राई, भोईस अफ धरानका सेकेन्ड रनरअप सुमन चाम्लिङ राई सहित गायक भक्तराज लिम्बु, निलिमा राई, राधा फोम्बो, मोहन लिम्बु, जीवन मगर, सुन्दर लिम्बु, आनन्द राई र द अलाईस व्याण्ड, द प्याराडाईस व्याण्ड, पाथीभरा व्याण्ड भेडेटारको गीत प्रस्तुती र उदघोषण सन्जु राई रहेको थियो।
पौष १६ देखि १८ गते सम्म आयोजित उक्त फुड फेस्टिबल होटल एशोसिएशन भेडेटारका अध्यक्ष तुमराज लिम्बुको सभापतित्वमा उदघाटन प्रमुख अथिति रहेको कोशी प्रदेशका पर्यटन, वन तथा वातावरण मन्त्री सदानन्द मण्डलले गरेका थिए, भने उक्त कार्यक्रमको समापन साँगुरीगढी गाउँ पालिकाको अध्यक्ष जितेन्द्र रुम्दाली राईको प्रमुख आतिथ्यमा भयो। 
