धरान, अहिले “झिमझिमाउने आँखाले” बोलको गीत ग्लोबल ट्रेन्डिङमा परेको छ युटुवमा यो गीतलाई २० मिलियन अर्थात २ करोडले हेरेका छन्।
युटुवमा यो गीतलाई २० मिलियन अर्थात २ करोडले हेरेका छन्। उक्त लोकप्रिय गीतका गायक एकदेव लिम्बू आज धरानमा जारी विजिनेश एक्स्पोमा प्रस्तुत हुने भएका छन्।
लिम्बूले गाएको अर्को गीत शिरफूललाई युटुवमा ८ दशलव ६ मिलियन अर्थात ८६ लाख दर्शक स्रोताको भ्युज पाएको छ।
युवा पुस्तामा लोकप्रिय तिनै पूर्वेली गायक एकदेव लिम्बू एक्स्पोमा एकल प्रस्तुति सहित प्रकट हुने भएका छन्। लिम्बूका अन्य गीतहरु फिजेको केशलाई दश मिलिएन अर्थात १ करोडले हरेका छन्, त्यस्तै आहै, तिम्रो मुटुमा लगायत दर्जनौ गीतहरु उतिकै रुचाइएका गीतहरु हुन्।
धराने जनताको माग भए अनुसार एकदेव लिम्बूलाई निम्तो गरिएको सिल्भर इन्टरटेइनमेन्टका निर्देशक सौरभ श्रेष्ठले बताएका छन। लोक आधुनिक तथा पप फ्लेभरका गायक लिम्बूप्रति युवा क्रेजलाई ध्यानमा राखेर बोलाइएको श्रेष्ठले बताए।
सांगीतिक दुनियाँमा पछिल्लो पुस्ताले मनपराएका गायक लिम्बू गायकीसंगै समाजसेवामा पनि उक्तिकै सक्रिय रहेकाछन्। केही समय अघिमात्रै अपाङ्गता भएकी एक युवतीको घरमै च्यारिटी कन्सर्ट गरेर उठेको रकम सहयोग गरेका थिए।
धरानको व्यापार व्यवसायलाई चलायमान बनाउन र स्थानीय व्यापारिक उत्पादनलाई प्रवर्धन गर्दै धरानको आन्तरिक पर्यटनलाई वृद्धि गर्ने उदेश्य सहित विजिनेश एक्स्पो धरान २०८१ प्रारम्भ गरिएको नेपाल उद्योग तथा व्यवसायी महासंघ धरानका अध्यक्ष शिवराज श्रेष्ठले जानकारी गराए।
फागुन १० गतेसम्म सञ्चालन हुने एक्स्पोमा प्रत्येक दिन चर्चित कलाकारहरु प्रस्तुत गरिएको पनि श्रेष्ठले जानकारी दिए।
