धरान, वडा न. १७ धरानमा जारी २५ औं संस्करणको टेष्टी टेष्टी गोधुली फुटबल रनिङ कप प्रतियोगिताको सेमिफाइनलमा प्रबेश गरेको छ।
आइतबार सााँझ धरान रंगशलामा भएको अन्तिम क्वाटरफाइनल खेलमा १८ नं. वडालाई २-१ गोल अन्तरले पराजित गर्दै १७ नं. वडाले सेमिफाइनलमा वडा न. १४ सँगको भेट पक्का गरेको हो।
अब, फाइनल यात्राका लागि चैत्र १९ गते वडा न. १७ र वडा न. १४ बिच भिडन्त हुने भएको छ। खेलको सुरुवातमा १८ नं. वडाले अग्रता बनाएको थियो। १८ नं. वडाका सलोन याक्खाले खेलको १७ औं मिनेटमा गोल गर्दै टिमलाई अग्रता दिलाएका थिए।
पहिलो हाफमा १-० गोलले पछी परेको १७ न वडाले खेलको दोस्रो हाफमा उत्कृष्ट पुनरागमन गरेको थियो। खेलको ४९ औं मिनेटमा १७ न. वडाका कृष्ण राईले गोल गर्दै खेललाई १–१ गोलको बराबरीमा ल्याएका थिए।
निक्कै प्रतिष्पर्धात्मक खेलको ७० औं मिनेटमा सुशिल राईले निर्णयक गोल गर्दै १७ नं. वडालाई २–१ को जित दर्ता गराएका थिए। सुशिल राई खेलको म्यान अफ द म्याच घोषित भए।
उनलाई नगद २ हजार पुरस्कार प्रदान गरिएको थियो। १८ न वडाले वडा न. १९ लाई टाइब्रेकरमा पराजित गर्दै क्वाटरफाइनलको स्थान सुरक्षित गरेको थियो भने १७ न. वडाले २० न. वडालाई पराजित गर्दै क्वाटर फाइनलको यात्रा तय गरेको थियो।
सोमबार देखि सेमिफाइल खेल सुरु हुने भएको छ। सेमिफाइनमा वडा न १७ संगै वडा नं. १५, ५, र १४ ले स्थान पक्का गरेका छन्।
पहिलो सेमिफाइनल खेल वडा न १५ र ५ बिच हुने आयोजकले जनाएको छ। चैत्र २१ गतेसम्म सञ्चालन हुने प्रतियोगितामा धरानका १८ वटा वडा सहभागी छन्।
आयोजक गोधुली क्लबका उपाध्यक्ष सतिस केसीका अनुसार प्रतियोगिताको विजेताले १ लाख ५० हजार र उप विजेताले ७५ हजार नगद पुरस्कार प्राप्त गर्नेछन्।
भने प्रतियोगिताको क्वाटर फाइलनमा पुगेको टिमले स्व. सुवास राई स्मृति सुपर ८ प्रतियोगितामा सहभागी हुने अवसर प्राप्त गर्ने छन्।
