धरान, ‘कोशी प्रदेश प्रिमियर लिग’को आय–व्याय सार्वजनिक गरिएको छ।
कोशी प्रदेश फुटबल सघको आयोजना तथा कोशी प्रदेश खेलकुद विकास बोर्डको सयोजनमा गत माघ २१ गतेदेखी फागुन ८ गतेसम्म धरानमा सम्पन्न भएको प्रदेश लिगको आय–व्याय सार्वजनिक गरिएको हो।
संघले बुधबार धरानमा पत्रकार सम्मेलन गर्दै ६ लाख ८७ हजार रुपैयाँ बचत भएको सघका कोषाध्यक्ष आनन्द चौधरीले जनाए।
उनका अनुसार जसमा फिफाबाट २ लाख रुपैयाँ रकम प्राप्त गर्न बाँकी रहेको छ।संघका अनुसार प्रतियोगितामा कुल ३६ लाख ६७ हजार रुपैयाँ आम्दानी भएको थियो भने २९ लाख ८० हजार रुपैयाँ खर्च भएको छ ।
आम्दानीतर्फ कोशी प्रदेश सरकारबाट २० लाख, अखिल नेपाल फुटबल सघबाट १५ लाख, गोर्खा ब्रुअरीबाट ५० हजार, रेडबुलबाट ५० हजार, धरानका पूर्वखेलाडीहरुबाट ३७ हजार र अन्य सहयोगीदाताहरुबाट ३० हजार रुपैयाँ रकम सहयोग भएको थियो।
यस्तै, खर्चतर्फ नगद पुरस्कार ७ लाख ६५ हजार, सहभागी क्लवहरुलाई तयारी खर्च ६ लाख २० हजार, रेफ्रि खर्च ३ लाख ५० हजार, आयोजक, समिति, उपसमितको लागि खान बस्न २ लाखलगायतको खर्च भएको जनाएको छ।
प्रतियोगितामा उदयपुरको गाईघाट फुटबल क्लब लिग च्याम्पियन बनेको थियो । कोशी प्रदेशका ११ जिल्लाका जिल्ला लिग च्याम्पियन क्लबहरु सहभागी थिए।
‘फुटबलको मेरुदण्ड लिग हो’-अध्यक्ष किशोर राई
कोशी प्रदेश फुटबल सघका अध्यक्ष किशोर राईले फुटबल खेलको विकासको लागी खेलाडी उत्पादनमा जोड दिएको बताएका छन्।
बुधबार धरानमा आयोजित ‘कोशी प्रदेश प्रिमियर लिग’को आय–व्याय सार्वजनिक कार्यक्रममा बोल्दै राईले सघले कोशी प्रदेशमा फुटबल खेलको गतिविधि बढाउर्दै खेलाडी खेलाडी उत्पादनमा जोड दिएको बताए।
एन्फाका मानार्थ उपाध्यक्ष समेत रहेका राईले फुटबल खेलको मेरुदण्ड भनेको लिग प्रतियोगिता भएको जनाउर्दै कोशी प्रदेशमा लिग प्रतियोगितालाई जोड दिदै लाने समेत बताए।
उनले भर्खरै प्रदेश स्तरीय पुरुष तथा महिला लिग सम्पन्न गरेको जनाउँर्दै फुटबल खेललाई व्यावसायितातर्फ अगाडी बढाउन पनि लिग प्रतियोगितालाई निरन्तरता दिनुपर्ने उनको भनाइ थियो।
‘फुटबलको मेरुदण्ड भनेको लिग हो, हामीले लिग प्रतियोगिताहरुलाई निरन्तरता दिन सकियो भने फुटबलको विकास आफै हुन्छ’ उनले भने ‘लिग प्रतियोगिता भयो भने खेलाडीको खेल विकास त हुने नै भो, अर्को कुरा आम्दानीको पाटोमा पनि राम्रो हुन्छ।
खेलाडी, रेफ्री, अफिसिय सबैलाई आम्दानी नै आम्दानी हुन्छ त्यसैले पहिलो प्राथमिकता लिगलाई दिन्छौ।
